宏 (Closed)

黃埔新天地有唔少日式料理既選擇，當中我最鐘意既宏Hiroshi，原因係呢間店可以同時提供日式料理同埋甜品而且味道同係日本食十分相似😋 今次我去就試左鰻魚飯（$180）同牛肉飯套餐（$130），套餐係跟一杯野飲（特飲要加錢），一碗沙津，一碗細烏冬同埋一細卷蛋糕。 鰻魚飯同坊間相比，係肥美個種而且個汁唔會死甜，拎來配飯一流而且米係日本米十分香，而牛肉飯牛肉係根質素都唔錯，烏冬就幾滑汁就係撈麵個種。野飲方面轉左青蘋果沙冰（$32）係日本個種果汁溝成既沙冰，唔係化學甜。 跟餐蛋糕缺點就係太細😂不過蛋糕🍰鬆軟忌廉香滑值得一試。一場來到緊係試埋出名既抹茶甜品setA($160)入面有抹茶🍵配丸子，馬卡龍，蛋卷，拿破崙雪糕同埋奶涷，當中最推薦就係拿破崙因爲坊間好少有拿破崙做到皮脆但甜而不膩。整體來說價錢可能略貴，但質素對得起價錢。