三星台菜食堂 (The L. Square) (Closed)

之前在灣仔食過三星，一試難忘佢的牛肉湯和花雕雞湯，可惜已結業。今天在奧海城睇戲，終於可順路再品嘗三星。三星是香港歌手傅佩嘉開的，奧海城這分店裝修主要用木為材料，走簡約風格，落地玻璃採自然光，很舒服。點了花雕雞脾冬粉。花雕雞湯清甜足料，雞和酒的比例剛好，無味精，飲哂個湯都唔會口渴；雞脾和冬粉十分入味，雞脾很滑很多肉。冬粉份量對女仔胃口來說剛好，男仔可能略嫌偏少。想特別講侍應，除了會不斷加水，仲知道餐廳樓底高，冷氣可能吹唔正我地位，幫我地較好風扇，很體貼。