老壇子酸菜魚

Open Now

Now Closed

早2日去荃新天地行街，朋友好鐘意食酸菜魚，所以我地就揀左老壇子酸菜魚嘅湘菜餐廳。靚裝修，環境舒服，食物好食，叫左以下菜式：酸辣雞雜食落酸酸微辣，雞雜食落夠新鮮，雞腸口感脆口，雞腎爽嫩，酸辣適中，好開胃。辣椒炒肉用新鮮辣椒炒豬肉片，火喉岩岩好，唔會鞋口仲嫩嫩，辣椒味好香，但又唔會太辣，味蕾嘅刺激，過癮，預期之外嘅好味。小炒花菜爽口新鮮嘅椰菜花，搭配蒜蓉和辣椒炒一齊食，仲有炸到香口嘅豬腩片，蒜香味十足，微辣嘅辣椒提升左成道菜嘅風味。酸菜鱸魚必試餐廳招牌菜之一，用上新鮮鱸魚，再用埋自家製酸菜同各種香料一齊煮，味道豐富，香味濃郁。鱸魚肉質非常鮮嫩，酸菜味唔會搶晒魚鮮味，湯底濃得嚟又唔會油膩，份量十足，正呀！呢到食物好味，坐得舒服，值得推介！