十三姨酸菜魚 (Mikiki) (Closed)

🐟成日周圍尋尋覓覓都搵唔啱嗰浸味🧐我鐘意既酸菜魚係，魚要滑湯夠濃！今次去粉嶺十三姨酸菜魚，終於食得得返我回憶中嘅味道😋😋仲要呢度嘅二人套餐真係好抵，二百幾蚊包哂酸菜魚、一款小菜、兩款小食同嘢飲，性價比超高🥰招牌十三姨酸菜魚勁大盤，上枱見到都開心🥳首先，梗係要飲一飲個湯，酸酸味味嘅魚湯濃郁又開胃，仲有少少麻，正！魚肉好厚、好滑，當然係起哂骨，可以放心食。配菜除咗有基本嘅酸菜、芽菜、蒿筍，仲可以加錢配你想要嘅嘢 ，選擇好多任君選擇。一路食酸菜魚，記住叫埋佢個冰粉，好適合解辣。走之前，記住試埋紅糖滋粑。外層脆卜卜，入面煙煙韌韌，點埋黑糖Perfect。