金鶴拉麵 (和富道) (Closed)

最愛既雞白湯拉麵😗今日黎到北角和富道食金鶴拉麵，當初係佐敦開個陣成個去食鰻魚飯 一試就愛上！饅魚即叫即燒 個汁唔會太甜 鰻魚又夠哂厚🤤諗起都流口水！而今日就黎食佢地既拉麵！見到門口貼左張poster寫住指定拉麵做買一送一！但今日好想食雞白湯就好任性地冇用依個優惠🤣1️⃣金鶴雞白湯拉麵湯底係用赤雞熬製六個鐘，飲落去十分之濃厚但又唔會好膩，令到我一啖接一啖！入面有兩塊黑豚腩肉同兩塊慢煮雞胸肉，腩肉肥瘦岩岩好，雞胸肉好滑🤤 拉麵分量對我黎講有d多，細食既朋友仔可以叫少麵，唔好浪費食物！2️⃣黑蒜醬油拉麵依款湯既味道比較濃郁，岩哂重口味人士！入面既配料同上面個款拉麵一樣。值得一提既係每碗拉麵都有筍，唔食既朋友仔可以先同店員講左先😗3️⃣燒黑豚肉串串燒都係即叫即燒，依款串燒既醬油味好濃，友人就好中意🤣 肥厚適中，一層肥一層瘦。 唔會好鞋☺️4️⃣日式餃子去到邊都最中意食餃子！依到既餃子皮脆內軟😗超級好食！入面d肉汁爆哂出黎！