Video
Read full review
2012-11-25
23 views
雖然唔喜歡Patisserie by Tong Wong。但同樣由Tong Wong開既呢間微笑乳酪竟出奇成功地俘虜了我的心。好多間yogurt都試過，Crumbs，Tuttimelon，Yomama，PPG... 總之經過yogurt店都會試吓。始終鐘意呢度既。第一：乳酪酸度適中，唔會好似食緊雪糕咁死甜。例如Crumbs既yogurt對我黎講太甜了，根本唔似食緊yogurt。可能為咗要迎合香港人既口味吧，個人比較偏好酸稠既greek style yogurt（所以如果呢度既yogurt再酸啲會更討我心，哈哈～）而且乳酪質地夠滑，食落唔會太冰，有乳酸味。第二：配料選擇特別。例如：唔係得啲生果呀，granola呀；佢有好多口味既醬汁（熱情果香蕉醬，焦糖橙汁，南瓜醬，柚子汁，芒果汁，紅桑莓汁，荔枝玫瑰汁），自製脆脆棒（草莓／巧克力／熱情果菠蘿／原味），啫喱（桂花／咖啡／洛神花），布甸（芒果，紅桑莓，香橙），仲有綿花糖，香橙蛋糕（呢個好食，夠橙味又軟綿），咖啡合桃曲奇（鬆化，咖啡味濃；話晒Tong Wong都開咗間曲奇店，緊係有返咁上下），雪芭（呢個未食過），千層酥網（好食！）等等...太多
但同樣由Tong Wong開既呢間微笑乳酪竟出奇成功地俘虜了我的心。
好多間yogurt都試過，Crumbs，Tuttimelon，Yomama，PPG... 總之經過yogurt店都會試吓。
始終鐘意呢度既。
第一：乳酪酸度適中，唔會好似食緊雪糕咁死甜。例如Crumbs既yogurt對我黎講太甜了，根本唔似食緊yogurt。
可能為咗要迎合香港人既口味吧，個人比較偏好酸稠既greek style yogurt（所以如果呢度既yogurt再酸啲會更討我心，哈哈～）
而且乳酪質地夠滑，食落唔會太冰，有乳酸味。
第二：配料選擇特別。例如：唔係得啲生果呀，granola呀；
佢有好多口味既醬汁（熱情果香蕉醬，焦糖橙汁，南瓜醬，柚子汁，芒果汁，紅桑莓汁，荔枝玫瑰汁），
自製脆脆棒（草莓／巧克力／熱情果菠蘿／原味），
啫喱（桂花／咖啡／洛神花），布甸（芒果，紅桑莓，香橙），
仲有綿花糖，香橙蛋糕（呢個好食，夠橙味又軟綿），咖啡合桃曲奇（鬆化，咖啡味濃；話晒Tong Wong都開咗間曲奇店，緊係有返咁上下），雪芭（呢個未食過），千層酥網（好食！）等等...太多喇。
以至最大路既綠茶monchi，crumbs嗰類都有。
最緊要係好味。
花多眼亂，搞到有選擇困難症既我次次都企係度諗好耐！
第三：經常有新款推出。例如：節日，季節都有新搞作。啱晒鐘意嚐鮮既我。
第四：算抵食。大大杯，加多啲配料都夠我當一餐，如果你把咁大杯yogurt放落PPG個秤度，咁重一定貴到傻...
第五：樣靚！
食過好多次（有時無影相），心得係：其實自選配料最抵食，自選兩種配料或以上有一款醬汁送。
（啱晒貪心想要多啲配料既我～）
＞＞＞＞
呢度都有賣dessert cup。
剩係coffee味好食。其他就... 唔好曬錢。Post
