Video
Read full review
2021-12-21
191 views
呢間店嘅服務認真離奇，星期六中午得幾張枱有人，周圍都係吉位，個靚仔店員竟然可以帶兩個人過嚟同我一齊share張四人枱, 結果對方都頂唔順要求坐開．呢啲飯堂式嘅服務， 都係第一次見。講下食物， 魚生都算切得厚同埋大塊，三文魚無乜味，吞拿魚仲有少少冰，其它魚不過不失. 試咗大部分壽司， 味道好普通 ，唔覺好味，個樣睇落又整得好求奇， 完全起唔到食慾，所以只係叫咗一轉. 海膽手捲算係正常， 三文魚子偏細同埋冇乜味．炸物只係試咗天婦羅蝦同埋炸蠔，算係合格. 鹽燒蝦同鰻魚就唔錯．熱清酒揼出嚟竟然可以係凍嘅, 其實準備功夫可以做好啲．甜品印象中有三個蛋糕，三款糯米糍及兩款糕點類嘅嘢，沒有雪條雪糕供應， 只有細粒的雪糕糯米糍.熱盤好似有兩三盤，但又引唔起食慾，所以完全冇試． 又唔多覺有生果供應.海景唔係特別靚，玻璃又矇又唔乾淨， 唔覺得係賣點.中午嚟講平均 $260+ 一位， 食物質素不高而種類又不多， 服務又差勁 ，出面或者第二區有更加好的選擇．對於我嚟講，應該後會無期.
講下食物， 魚生都算切得厚同埋大塊，三文魚無乜味，吞拿魚仲有少少冰，其它魚不過不失. 試咗大部分壽司， 味道好普通 ，唔覺好味，個樣睇落又整得好求奇， 完全起唔到食慾，所以只係叫咗一轉. 海膽手捲算係正常， 三文魚子偏細同埋冇乜味．炸物只係試咗天婦羅蝦同埋炸蠔，算係合格. 鹽燒蝦同鰻魚就唔錯．
熱清酒揼出嚟竟然可以係凍嘅, 其實準備功夫可以做好啲．
甜品印象中有三個蛋糕，三款糯米糍及兩款糕點類嘅嘢，沒有雪條雪糕供應， 只有細粒的雪糕糯米糍.
熱盤好似有兩三盤，但又引唔起食慾，所以完全冇試． 又唔多覺有生果供應.
海景唔係特別靚，玻璃又矇又唔乾淨， 唔覺得係賣點.
中午嚟講平均 $260+ 一位， 食物質素不高而種類又不多， 服務又差勁 ，出面或者第二區有更加好的選擇．
對於我嚟講，應該後會無期.
Post
