Video
Read full review
2019-07-08
291 views
想搵一間坐得舒服，又唔限時，食物質素又好嘅任食打邊爐，一啲都唔容易，朋友突然間提起呢間德興酒家，話符合晒以上嘅條件，係半信半疑之下，上去試一下火鍋湯底有10幾款選擇，揀完之後，外面有一個自助吧，醬料蔬菜，各式丸類，魚皮響鈴，午餐肉，牛柏葉，鵝腸水魷魚等等等等，全部任拎自助區另外仲有一張點菜紙，點完之後由侍應送上枱，唔使自己拎黑松露松姬茸花膠螺頭雞湯湯底未黎之前，以為只係得個名長，結果一嚟到嘅時候，發覺非常之足料，淨係雞都有半隻，連花膠同螺頭，可以話係越煲越甜帶子片帶子片夠晒光澤，輕輕淥一淥，入口夠晒鮮甜，最緊要仲係任食添白鱔片呢碟白鱔片，肉質非常之脆口，口感極佳，魚味突出，平時係街市買，小小都已經好貴呀，呢度又係任食海生蝦竹籤穿着嘅海蝦，非常新鮮，蝦肉好鮮甜，隻隻都肉質結實，無論口感同味感都係上佳之作花膠呢度嘅份量一啲都唔吝嗇，呢碟係二人份量嘅花膠，首先份量絕對唔少，煮一陣之後，入口充滿骨膠原嘅感覺，夠淋，充滿花膠香魚頭雲任食打邊爐叫魚頭雲，經驗都係骨比魚雲多，呢度一碟嚟咗四件，有三件都真係魚雲，係鍾意食魚頭嘅人士嘅佳音肩胛牛肉眼呢碟肩胛牛肉眼，色澤紅潤，油花分布平均，肉質比一般肥牛嫩
火鍋湯底有10幾款選擇，揀完之後，外面有一個自助吧，醬料蔬菜，各式丸類，魚皮響鈴，午餐肉，牛柏葉，鵝腸水魷魚等等等等，全部任拎
自助區
另外仲有一張點菜紙，點完之後由侍應送上枱，唔使自己拎
黑松露松姬茸花膠螺頭雞湯
湯底未黎之前，以為只係得個名長，結果一嚟到嘅時候，發覺非常之足料，淨係雞都有半隻，連花膠同螺頭，可以話係越煲越甜
帶子片
帶子片夠晒光澤，輕輕淥一淥，入口夠晒鮮甜，最緊要仲係任食添
白鱔片
呢碟白鱔片，肉質非常之脆口，口感極佳，魚味突出，平時係街市買，小小都已經好貴呀，呢度又係任食
海生蝦
竹籤穿着嘅海蝦，非常新鮮，蝦肉好鮮甜，隻隻都肉質結實，無論口感同味感都係上佳之作
花膠
呢度嘅份量一啲都唔吝嗇，呢碟係二人份量嘅花膠，首先份量絕對唔少，煮一陣之後，入口充滿骨膠原嘅感覺，夠淋，充滿花膠香
魚頭雲
任食打邊爐叫魚頭雲，經驗都係骨比魚雲多，呢度一碟嚟咗四件，有三件都真係魚雲，係鍾意食魚頭嘅人士嘅佳音
肩胛牛肉眼
呢碟肩胛牛肉眼，色澤紅潤，油花分布平均，肉質比一般肥牛嫩滑，係既嫩滑又有牛味嘅一個好選擇
。
水晶奶皇包
水晶奶皇包好飽滿，煮熟之後外皮晶凝通透，包住熱溶咗嘅流心奶黃，大朋友小朋友嘅最愛
任食配料
其實可以咁食嘅配料仲有好多，不過小肚子有限，一時間真係好難試得晒
Movenpick 雪糕
食飽飽，記住留返個肚，因為每人仲有一杯雪糕，德興都算落重本，用上Movenpick ，仲有唔同味道選擇，我梗係揀咗最出名嘅雲呢拿雪糕啦，雪糕入邊仲有雲呢拿籽添㗎
呢度最好嘅地方，係因為地方大，幾乎都唔使等位，亦都唔限時任食，枱與枱之間，非常闊落，可以話係食過咁多任食打邊爐之中，坐得最舒服嘅一間
Post
