Video
Read full review
2012-07-08
100 views
5月11日, 渡船街一帶雖然幾偏僻, 到處係舊樓亦都十分安靜… 不過呢度都有好多臥虎藏龍嘅美食好似腸粉、越南法包咁~ 今晚我地嚟到呢條街, 充斥住燒烤味道, 左望右望全都係燒烤店, 但係店名差不多, 我地入咗呢間大大話話都有5間舖位嘅龍蝦燒, 一心想試下佢地出名嘅燒龍蝦~ 剛好有人走, 我地唔駛等位就有得坐, 坐低就有個呀姐問我地係唔係第一次嚟, 跟住又介紹我地龍蝦生蠔, 太過hard sell喇…::: 調味粉 :::喺未嚟野食之前先講咗d調味粉先, 因為食過其他地方嘅燒烤, 最多都係俾下d七味粉胡椒粉咁, 但係都冇呢度嘅調味粉咁特別~ 分別有花椒粉、孜然粉、味椒鹽同勁辣粉, 每種粉都各有特色, 花椒粉會有麻麻嘅感覺, 孜然粉就有好香香料味, 味椒鹽比較咸, 而勁辣粉當然係辣味, 可以因應個人喜好而加, 呢個就真係值得讚~ 個人覺得味椒鹽味道最突出, 咸咸地加上胡椒味, 好能夠配合燒烤嘅味道, 無論食乜加少少都好好味~ 其他調味都有齊麻、辣、香, 各有其色~::: 芒果芝士燒龍蝦仔 ::: $68嚟得呢度唔叫燒龍蝦, 點叫嚟過龍蝦燒~ 呢度嘅燒龍蝦分有好幾個size, 小至$28,
::: 調味粉 :::
喺未嚟野食之前先講咗d調味粉先, 因為食過其他地方嘅燒烤, 最多都係俾下d七味粉胡椒粉咁, 但係都冇呢度嘅調味粉咁特別~ 分別有花椒粉、孜然粉、味椒鹽同勁辣粉, 每種粉都各有特色, 花椒粉會有麻麻嘅感覺, 孜然粉就有好香香料味, 味椒鹽比較咸, 而勁辣粉當然係辣味, 可以因應個人喜好而加, 呢個就真係值得讚~ 個人覺得味椒鹽味道最突出, 咸咸地加上胡椒味, 好能夠配合燒烤嘅味道, 無論食乜加少少都好好味~ 其他調味都有齊麻、辣、香, 各有其色~
::: 芒果芝士燒龍蝦仔 ::: $68
嚟得呢度唔叫燒龍蝦, 點叫嚟過龍蝦燒~ 呢度嘅燒龍蝦分有好幾個size, 小至$28, 大至$300多蚊嘅都有~ 我地叫嘅呢隻係第三細隻, 心諗應該都唔會太細隻, 分2邊每人都可以食到d~ 不過嚟到嘅龍蝦都確實唔大隻, 一人食一隻都ok嘅, 不過2個人就有d唔夠肉地… 食落肉質都叫新鮮, 不是實咗少少. 面頭有一層燒燶咗嘅芝士, 卻一d都唔香, 芝士味有少少, 但係點樣芒果法就唔知喇, 因為完全食唔出芒果味… 以招牌貨嚟講, 貴得嚟仲幾失望…
::: 燒海大蜆 ::: $20 x 2
以為燒大蜆size都會有番咁上下, 點知又係好失望, 只係似花甲咁大隻, 無乜肉地, 仲要$20一隻, 超唔抵! 成隻蜆都好實, 冇海鮮應有嘅鮮味, 只係好重蒜茸味, 蓋住晒蜆嘅味道…
::: 蒜茸燒蘇格蘭蟶子王 ::: $33
雖然都唔係平, 不過呢個好食過大蜆~ 煮法都係同大蜆一樣, 但係喺好重蒜茸味之中, 都仲食得出蟶子嘅鮮味, 同埋都幾嫩口彈牙, 唔錯~
::: 馬來咖哩燒豬頸肉 ::: $14
呢個特色燒個咖哩味就唔太夾做燒烤, 咖哩味太濃又似港式嗰隻有辣冇香. 以致豬頸肉味唔夠突出, 其實豬頸肉質地唔差, 如果食番普通燒烤應該會好味d.
::: 燒頂級安格斯肥牛粒 ::: $32
呢個肥牛粒都確實幾肥, 所以有肥油肉汁標出嚟都算係唔錯~ 有燒烤嘅香味, 不過牛味可以濃d就更好~
::: 燒皇牌羊肉 ::: $13
叫皇牌但係味道麻麻, 唔夠香料味令到個羊肉有d羶, 所以要自己再狂加調味粉去遮住羊羶, 另外羊肉好乾, 咬落都冇乜汁… 小肥羊好食過佢好多.
::: 燒牛脷 ::: $13
燒牛脷用上厚切, 增加咗個口感, 咬開有一絲絲嘅牛脷, 亦都幾彈牙~ 不過火喉好似過咗龍, 面頭燒得少少燶, 肉質亦比較乾.
::: 燒原條生燒茄子伴蔥花蒜茸 ::: $24
燒茄子喺呢類中式燒烤店一定唔少得, 用上大量油同埋蒜茸同蔥花呀咁, 都真係好難唔好食~ 當然呢個都唔例外, 索咗唔少油嘅茄子有軟綿綿嘅質感, 撕開一絲絲嘅茄子, 有豐富嘅蒜茸味, 唔錯~
::: 燒娃娃菜 ::: $12
燒娃娃菜好普通, 切開半棵娃娃菜, 分2邊嚟燒, 份量少得可憐… 個甜甜地嘅汁都好唔襯個菜, 怪怪地…
::: 燒蕃薯片 ::: $12
蕃薯燒出嚟好夠淋, 好似我地平時燒野食嗰d燴蕃薯~ 夠淋嘅質地加上又好夠甜, 本身已經好夠味, 但係唔知點解又要加蜜糖. 有d多咗d…
::: 冰凍竹蔗茅根水 ::: $10
呢杯野$10但係唔係好大杯, 只似係紙包飲品嘅份量. 食bbq當然想飲杯夠凍嘅野解下渴, 但係要說冰凍亦都唔夠, d冰好快融晒但係杯野都唔算凍… 味道算天然係佢唯一嘅好, 淡淡嘅竹蔗味, 好似少甜咁, 都幾清甜~
龍蝦確實係令人失望嘅, 太細隻嘅size唔會好多肉, 要食就要食過$100嗰d先可能會好d啦. 但係隨意落調味粉就可以配合客人口味, 食其他燒烤都未見過~ 不過價錢都係略為貴咗d, 可以一試, 但有大把餐廳好味過佢地嘅, 我地都唔係成日食燒烤, 要食嘅都會嘗試其他~
Post
