天空虎嘯

Open Now

Now Closed

嚟到呢間位於天后嘅【天空虎嘯】，同啱啱從日本返嚟嘅細佬食個豐富嘅晚餐。餐廳嘅裝修非常高尚，打卡影相真係好靚。最令人眼前一亮嘅係餐廳喺26樓，可以一邊食晚餐一邊享受迷人嘅景色。【阿拉斯加長腳蟹龍蝦海鮮蒸氣刺身套餐】裏面嘅海鮮真係超新鮮，令人食指大動。刺身頭盤已經令我哋兩個驚艷。裏面有我最鍾意嘅赤身、北海道帶子等等，每一款都好新鮮，等緊你哋嚟試食🤤🤤阿拉斯加長腳蟹🦀我同細佬食到好過癮，長腳蟹嘅肉質厚實，入口彈牙，唔會乾柴。鮮北海道北寄貝色澤艷麗，貝肉飽滿，口感極佳！龍蝦湯蒸蛋配蟹肉一勺子挖落去，蟹肉同蒸蛋嘅口感十分爽滑，真係令我驚艷😍。芝士櫻花蝦鮑魚滿滿嘅芝士，再配埋鮮甜多汁嘅鮑魚，真係難以抗拒啊！對佢愛不釋手！伯爵茶蛋糕🍰伯爵茶嘅香味加上軟綿嘅蛋糕，簡直perfect！細佬仲話下次一定要帶爸媽嚟試吓，保證佢哋一定會鍾意。