Video
Read full review
2023-05-08
62 views
餐廳：GRIND SIZE (旺角)地址：旺角通菜街10號地舖喺旺角通菜街有一間佔地兩層嘅Cafe，原來唔經唔覺都開咗2年，最先主打咖啡☕️，所以無論餐廳名GRIND SIZE或者餐廳嘅裝飾佈置都喺圍繞着咖啡，最經典莫過於2樓閣樓牆上四隻字「見字飲啡」，成為咗唔少人嘅打卡位📸餐廳地下牆身以白色為主打，加上藍色燈光嘅配合，有種去咗愛琴海嘅感覺🌊；2樓就有啲波希米亞風格特色，木系嘅餐枱、有民族風格嘅坐墊、自成一角嘅榻榻米座位，喺度飲番杯啡、坐返兩粒鐘都真喺幾Chill🥰Cafe晚市提供Set dinner，先嚟咗個前菜——地中海酸汁漬三文魚他他小貝柱，用一個細細透明玻璃杯裝住三文魚粒、三文魚籽、小貝柱、車厘茄同沙律菜整成嘅刺身沙律杯，的骰可愛🤩，加埋酸汁喺當中辟除咗腥味仲好開胃✝️12小時油封黃酒浸雙鴨髀 $228將油封咗12個鐘嘅鴨髀拎去先煎後焗，做到皮脆肉嫩🦆，仲有輕輕黃酒香，鹹香入味。配埋自家製嘅芋泥蓉，入面除咗有芋泥之外仲有粒粒芋頭粒同脆芋片，同一樣嘅食物帶嚟3種唔同嘅口感，中和咗黑髀嘅鹹味，連埋一齊食就有啲似傳統屋企會食到嘅荔芋炆臘鴨咁🤤跟餐叫任何一杯飲品都喺$35，先叫咗杯焦糖燉蛋
地址：旺角通菜街10號地舖
喺旺角通菜街有一間佔地兩層嘅Cafe，原來唔經唔覺都開咗2年，最先主打咖啡☕️，所以無論餐廳名GRIND SIZE或者餐廳嘅裝飾佈置都喺圍繞着咖啡，最經典莫過於2樓閣樓牆上四隻字「見字飲啡」，成為咗唔少人嘅打卡位📸
餐廳地下牆身以白色為主打，加上藍色燈光嘅配合，有種去咗愛琴海嘅感覺🌊；
2樓就有啲波希米亞風格特色，木系嘅餐枱、有民族風格嘅坐墊、自成一角嘅榻榻米座位，喺度飲番杯啡、坐返兩粒鐘都真喺幾Chill🥰
Cafe晚市提供Set dinner，先嚟咗個前菜——地中海酸汁漬三文魚他他小貝柱，
用一個細細透明玻璃杯裝住三文魚粒、三文魚籽、小貝柱、車厘茄同沙律菜整成嘅刺身沙律杯，的骰可愛🤩，加埋酸汁喺當中辟除咗腥味仲好開胃
✝️12小時油封黃酒浸雙鴨髀 $228
將油封咗12個鐘嘅鴨髀拎去先煎後焗，
做到皮脆肉嫩🦆，仲有輕輕黃酒香，鹹香入味。配埋自家製嘅芋泥蓉，入面除咗有芋泥之外仲有粒粒芋頭粒同脆芋片，
同一樣嘅食物帶嚟3種唔同嘅口感，中和咗黑髀嘅鹹味，連埋一齊食就有啲似傳統屋企會食到嘅荔芋炆臘鴨咁🤤
跟餐叫任何一杯飲品都喺$35，先叫咗杯焦糖燉蛋，食完嘢之後再叫多咗杯Latte($42)，咁就真喺可以一邊享受咖啡，一邊睇我最近熱愛嘅法國經典文學小說——《小王子》🤴。
前者底層喺Latte，面頭就有焦糖味叮叮糖同棉花糖整成嘅奶泡層，表層用咗火槍輕輕燒過，入口先甜後苦，影出嚟仲好靚🤩；
原來Cafe嘅Houseblend咖啡豆喺老世自己炒，可以睇得出佢對咖啡嘅熱愛👍，咖啡易入口而偏向Nutty味重少少，
仔細品嚐仲有輕輕嘅Dark chocolate香味，等我好好嘆埋杯啡先再講😜
Post
