民華餐廳

Open Now

Now Closed

民華餐廳主打嘅早餐同埋常餐，基本上係一樣嘅，只係唔同時段嘅分別，但係真心覺得味道唔錯，尤其是我最鍾意嘅茄牛通粉今日忍唔住又來食，點左常餐茄牛通，凍檸茶配厚多士煎雙蛋。呢度嘅茄牛通湯底，鮮茄味非常濃郁，味道唔會太假，食完差唔多飲晒啲湯。亦鍾意呢度嘅多士，通常唔理咁多叫都會叫多油，烘得香脆加埋牛油嘅香味，基本上都會清晒，自己鍾意食煎蛋，一隻唔夠仲叫夠兩隻今次仲加多左一份西多士 由於唔係太鍾意食糖漿，所以要左煉奶，水準都唔錯喎，兩層麵包炸起唔會太硬，食落都夠鬆脆 加埋煉奶唔算甜，自己都輕鬆食晒成份，一個人食咗咁多嘢，堅飽，又要做返D運動補償番啦