光榮冰室 (兆和街)

Open Now

Now Closed

每次唔知想食乜，但係又好肚餓嘅一定會去光榮冰室，因為佢每一個套餐嘅份量到大到可以分兩餐食，無論係常餐，三文治系列，碟頭飯分量同味道都對得起個價錢。今次好肚餓咁揀咗叉燒炒滑蛋飯，唔夠10分鐘個飯就喺我面前，香噴噴嘅😆份量就唔使講一定夠食，雞蛋至少有五隻，叉燒嘅數量亦都滿足我呢一個食肉獸，不過餸同飯嘅比例可以再做好啲，就係永遠都食晒啲飯，但係啲餸都未食晒😂。味道方邊，雞蛋好香口又落咗啲牛奶去炒，叉燒雖然唔係蜜糖叉燒，但係味道依然好傳統叉燒味。可以落少少韭黃或者蔥花，令到個飯食到一半無咁濟。