MiLuna Cafe & Ale House

Open Now

Now Closed

叫佢月亮餐廳絕對不為過，裡面有大大個月亮打咭位，而且細心佈置過。裡面既感覺既似樓上cafe，又似酒吧。可能因為咁，食物同飲品的選擇都好豐富。5 Course Set Menu for 2 $788呢個餐主打就係有90分鐘任飲意大利氣泡酒，不停添酒，可以飲番夠本。前菜先食煙三文魚他他配牛油果藜麥沙律同西班牙火腿肉拼盤。沙律味道清新，而且牛油果同藜麥都係健康嘢。火腿肉充滿咸香，可配哈蜜瓜食作為平衡。伏特加火焰帶子火焰效果吸引，鮮甜帶子會配creamy醬汁。雖然另一個選擇係同樣吸引嘅一口和牛，但相信大家都會揀帶子，有得睇又有得食。黑松露蘑菇湯蘑菇湯濃稠，亦食到有蘑菇蓉，一路飲一路散發着黑松露的香味。軟殼蟹•蟹肉•蟹籽•明太子忌廉扁意粉成大隻軟殼蟹瞓落意粉度，扁意粉除咗creamy，又有大量蟹肉蟹籽，連埋鬆脆的軟殼蟹，非常豐富。美國封門牛柳配青醬椰菜花飯封門牛柳賣相吸引，份量不吝嗇，五成熟已經好爽嫩。配椰菜花飯令人有新鮮感，岩晒唔好飯/意粉嘅人，唔會塞飽咗個肚。牛角包窩夫牛角包窩夫的的骰骰，入口鬆脆好食，配杯熱檸茶就岩晒。