Video
Read full review
2016-06-23
505 views
記得自己既童年係一個機迷，打機大過天，有書唔讀走去逃學，逃學威龍敎我唔少野。街機更係自己強項，特別記得"吞食天地"曾試過單打一條命打到徐晃 ......難得今日星期一，攞左大假抖抖，中午同老婆去食餐好。係SOHO區左穿右插搵食，我竟然比一部街機吸引住。令我驚訝既係中環商業之地，SOHO花天酒地，竟然有部街機係度比人打，果然夠吉屎！呢道係一間外國酒吧，難聽d講，呢部街機似乎同呢度格格不入。不過，對於我呢個老機迷嚟講，呢部街機同酒吧絕對係天作之合。入到去二話不說，唔係點野食，係開機打。Street Fighter, King of Fighter, Metal Slug, 吞食天地呢d陪我長大既遊戲，總共六百隻，全！部！任！打！係老婆開始不耐煩之下，唯有先點野食。炸魚薯條，漢堡，酒，一樣都不能少。特別一提呢度既啤酒，款式多之餘，好多都係未見過，好有特色。叫完野食，繼續男人的浪漫。全部食物即叫即整，所以絕對有時間打多幾鋪機先。Lamb Cheese Burger (Set D) $60+$10 for 1/2 chips漢堡食得多，大部分食開既都離不開牛肉。但今次有d唔同，未食已經聞到好香既
街機更係自己強項，特別記得"吞食天地"曾試過單打一條命打到徐晃 ......
難得今日星期一，攞左大假抖抖，中午同老婆去食餐好。
係SOHO區左穿右插搵食，我竟然比一部街機吸引住。令我驚訝既係中環商業之地，SOHO花天酒地，竟然有部街機係度比人打，果然夠吉屎！
呢道係一間外國酒吧，難聽d講，呢部街機似乎同呢度格格不入。不過，對於我呢個老機迷嚟講，呢部街機同酒吧絕對係天作之合。
入到去二話不說，唔係點野食，係開機打。Street Fighter, King of Fighter, Metal Slug, 吞食天地呢d陪我長大既遊戲，總共六百隻，全！部！任！打！
係老婆開始不耐煩之下，唯有先點野食。炸魚薯條，漢堡，酒，一樣都不能少。特別一提呢度既啤酒，款式多之餘，好多都係未見過，好有特色。叫完野食，繼續男人的浪漫。全部食物即叫即整，所以絕對有時間打多幾鋪機先。
Lamb Cheese Burger (Set D)
$60
19 views
0 likes
0 comments
Lamb Cheese Burger (Set D)
$60
18 views
1 likes
0 comments
+$10 for 1/2 chips
漢堡食得多，大部分食開既都離不開牛肉。但今次有d唔同，未食已經聞到好香既羊羶味。入口腍腍既羊肉散發住陣陣羶香，同平時既牛肉感覺截然不同。跟餐另外仲有魷魚圈，呢個既感覺就麻麻地，因為好似炸過左火，食落有少少硬。
Lemon Pepper Fish & Chips
$80
21 views
0 likes
0 comments
Lemon Pepper Fish & Chips
$80
17 views
0 likes
0 comments
大塊既炸魚見到面頭佈滿粒粒黑椒，平時用刀叉食既我都忍唔住要用手。炸魚外脆內軟，表面炸粉完全唔厚，內裡魚肉軟淋淋。稍加檸檬汁，再沾沾沙津醬，熱氣感覺得以降溫，又可令味道更清新。旁邊另一主角 - 薯條同樣熱辣辣。如果略嫌味道欠奉，酒吧亦有提供鹽同黑椒，味道自行調教。
Cloudy Cider, Green cola
29 views
0 likes
0 comments
黑色罐身除左夠型，同時又標榜成份天然，飲落更健康，最重要係味道同紅罐可樂差唔多。
Cloudy Cider +$35
酸酸澀澀既蘋果酒，飲落有耳目一新既感覺。
最近機鋪執下又一間，連自己成日去既德福機鋪都執埋，似乎機鋪呢樣野已經沒落。
不過，今日係呢度，至少透過月光寶盒，可以搵番我童年既回憶。
同時，我希望，街機係將來能夠用另一個形式延續落去。
Post
