月山

Open Now

Now Closed

今年週年紀念揀咗食會席料理，《日山》嘅姊妹店《月山》，開業差唔多一年，襯仲容易訂到位，先試為快，我哋食9道菜會席料理，所以無得坐日式舟屋，不過坐竹林區有落地大玻璃都好正。服務：⭐️⭐️⭐️⭐️⭐️環境：⭐️⭐️⭐️⭐️食物質素：⭐️⭐️⭐️⭐️味道：⭐️⭐️⭐️⭐️⚜️Signature $1,588⚜️=== === === === === ===🥢先付——甘酢水雲蓴菜、鯖魚棒壽司、海膽豆腐⭐️⭐️⭐️⭐️醋味水雲口感黏滑，酸度剛好，鯖魚亦係少少酸，魚肉軟熟，海膽豆腐入口即溶，海膽超鮮甜。🥢向付——北海道雲丹金槍腩杯⭐️⭐️⭐️⭐️雲丹、三文魚子、金槍腩蓉配搭完美，加少許白飯，令整體無咁膩，可惜金槍魚有啲筋，幸好我陶醉响味濃鮮甜嘅雲丹之中，好正！🥢酢物——日本天然蠔．柚子水啫喱⭐️⭐️⭐️⭐️⭐️宮城縣珠姬蠔肉質清爽，味道鮮甜濃郁，加少少紫蘇花同柚子汁一齊食，味道更有層次。🥢揚物——龍蝦天婦羅⭐️⭐️⭐️龍蝦天婦羅幾特別，肉質嫩滑彈牙，不過龍蝦味唔算突出，要靠醬汁彌補。🥢蒸物——慢煮北海道鮑魚⭐️⭐️⭐️⭐️⭐️鮑魚軟腍味道濃郁，齋食已經好味，另蘸鮑魚內臟醬汁亦非常吸引，鮑魚size都幾大隻。🥢煮物——松葉蟹⭐️⭐️⭐️⭐️⭐️好多蟹肉，味道非常鮮甜，唔駛自己動手拆肉超