Casa Di Luna (Closed)

Casa di luna同好姊妹提早慶祝聖誕🎄簡左間月球做主題既餐廳，勁多打卡位，餐廳裝修真係置身月球咁，好靚好浪漫，啱哂情侶撐枱腳。而家星期一至四晚餐仲有8折，幾吸引。🍅前菜揀左冷盤蕃茄流心蟹肉盒，蕃茄有d 金箔做點綴，簡單而不失華麗。切開已經有蛋汁流出，索晒入蟹肉到，襯埋新鮮蕃茄一流。🦞跟住黎個龍蝦湯，龍蝦味濃郁，仲飲到有d白蘭地味道，龍蝦肉爽甜。🐏主菜揀咗羊架同軟殼蟹白松露意大利麵。份量都幾大，三隻大羊架，煎到有d 焦香，鎖住肉汁，肉質粉嫩，火候控制得超好。🍝平時都係食開黑松露，好少地方有得食白松露，啖啖意粉都有白松露，仲掛哂香滑忌廉汁，好rich。炸軟殼蟹鬆脆可口，擺盤都好精緻。🍮壓軸黎個招牌甜品Tiramisu，月球既器皿襯哂餐廳既主題，微微咖啡酒香，加creamy 芝士味，絕對係餐飯最好結尾。