良辰吉時 (Closed)

今日同男朋友係旺角睇完戲，經過良辰吉時，記得上次荃灣果間分店，超多人排隊，心諗係米真係咁好味呢？！所以依家見唔多人買，唔洗等咁耐，一於買杯try try啦！門面最吸睛就係呢張髒髒茶ge poster，所以我地就買左呢杯飲。髒髒茶大約等左5分鐘就有，髒髒茶面頭滿滿可可粉，中間係奶蓋，最底係珍珠。開頭都怕會唔會好甜，但飲落甜度又岩岩好，只係冇乜驚喜啦，簡單d講就係一杯比較濃滑ge朱古力奶。加分位係裡面有d hershey's朱古力碎，飲落更加咬口，可惜好快就溶哂，因為最底果層珍珠一開始係熱ge。呢杯髒髒茶超多珍珠，基本上飲落每啖都會食到2-3粒珍珠，直到飲哂d朱古力奶，都仲有好多珍珠係底，我諗杯野本身有半杯都係珍珠！味道未至於難飲，但以$30來講真係唔太值啦！