Video
Read full review
2016-06-14
565 views
之前去東京公幹，已經去過京林屋「朝聖」，對佢既抹茶甜品一試難忘，今次黎到香港開店，究竟味道有無走樣？幾鍾意呢度既裝修，簡約既木色系，同日本差唔多。兩個甜品控，打開餐牌咩都想試，最後叫左四款，飽到反艇！「香港限定芭菲」($98)，呢個係必食推介，因為材料真係異常豐富：抹茶雪糕、抹茶蕨餅、糯米丸子、蛋糕、啫喱、紅豆、忌廉、士多啤梨，可以一次過滿足好多個願望！抹茶雪糕夠香滑，抹茶味濃，有奶香，正！ 抹茶蕨餅有D似蒟蒻，清淡既抹茶味，完全係另一種口感； 糯米丸子軟綿綿夠煙靭；士多啤梨有少少果Jam Feel，好幸福既甜味，整體上感覺好好。「焙茶芭菲」($88) 既陣容都唔弱：焙茶雪糕、雲呢拿雪糕、糯米丸子、梨子肉。焙茶雪糕既茶味更濃，無抹茶咁甜，如果男仔唔太好甜，呢個都應該啱食。「抹茶卷蛋，配玫瑰蘋果煎茶」($108)，卷蛋好鬆軟，忌廉夠滑，抹茶味香濃，好得；比起剛才既芭菲，呢款抹茶雪糕既顏色更深、抹茶味更香濃。同一款卷蛋我響東京都有食過，覺得香港店同東京店一樣做得出色，完全無走樣。呢個套餐可以自選煎茶，旁邊有個漏斗，俾你計算焗茶既時間，相當細心。煎茶係茶葉黎，可以沖三杯左右，淡淡既果味，解甜
幾鍾意呢度既裝修，簡約既木色系，同日本差唔多。兩個甜品控，打開餐牌咩都想試，最後叫左四款，飽到反艇！
「香港限定芭菲」($98)，呢個係必食推介，因為材料真係異常豐富：抹茶雪糕、抹茶蕨餅、糯米丸子、蛋糕、啫喱、紅豆、忌廉、士多啤梨，可以一次過滿足好多個願望！抹茶雪糕夠香滑，抹茶味濃，有奶香，正！ 抹茶蕨餅有D似蒟蒻，清淡既抹茶味，完全係另一種口感； 糯米丸子軟綿綿夠煙靭；士多啤梨有少少果Jam Feel，好幸福既甜味，整體上感覺好好。
「焙茶芭菲」($88) 既陣容都唔弱：焙茶雪糕、雲呢拿雪糕、糯米丸子、梨子肉。焙茶雪糕既茶味更濃，無抹茶咁甜，如果男仔唔太好甜，呢個都應該啱食。
「抹茶卷蛋，配玫瑰蘋果煎茶」($108)，卷蛋好鬆軟，忌廉夠滑，抹茶味香濃，好得；比起剛才既芭菲，呢款抹茶雪糕既顏色更深、抹茶味更香濃。同一款卷蛋我響東京都有食過，覺得香港店同東京店一樣做得出色，完全無走樣。
呢個套餐可以自選煎茶，旁邊有個漏斗，俾你計算焗茶既時間，相當細心。煎茶係茶葉黎，可以沖三杯左右，淡淡既果味，解甜膩一流。
「抹茶芝士蛋糕，配葡萄煎茶」($108)，估唔到抹茶原來同芝士味可以咁夾，芝士蛋糕好Rich，都幾飽肚，餅底夠脆，好食！
Post
