唞唞

Open Now

Now Closed

呢一間餐廳價錢都屬於貴，咖啡$50起，Gin 就$110起跳，款式都唔算多每樣幾款，但係足夠你選擇。服務方便收銀執枱店員麻麻哋，乜都叫人自己行去收銀枱問。但上菜嘅時候調酒師女仔好好態度，每一個人都分別上酒，見到我哋有朋友出咗去傾電話，佢就將酒放返入雪櫃保持溫度；見到我哋打卡打得耐，就提醒我哋要趁快飲，非常貼心。飲品琴酒叫咗海鳴威西柚汁好清爽飲得出係新鮮榨出嚟，而且糖精份量唔會太Over，感覺非常平衡！當然溫度都調教得好好，chill chill地非常適合一邊傾偈，一邊做嘢一邊飲酒休息。環境方面座位唔多，出邊入邊室內室外都有位，如果平日晏晝係有位坐嘅，但假日就一定冇位坐。我覺得享受餐廳氛圍都係好重要，先配得起呢個價錢。冇自己Wi-Fi但係可以連接西九龍公園本身Wi-Fi。