鳥語 (Closed)

話說上網睇到呢間烏語啲嘢食都唔錯， 咁就膽粗粗衝上去試下啦, 廿零位地方裝修比較普通， 做齊曬基本進入食肆的規矩後， 便搵個位坐低啦， 太太又比較多心揀下位姐， 店員誰不知二話不說便黑我面囉，之後 個餐牌仲掉落張枱度 ，拍一聲好大聲， 咁我哋覺得食嘢啫，唔係離睇你面色受你氣吖， 揀個位啫你都唔使咁嘅態度呀！！ 其實間店咩顏色我哋都唔在乎，在乎係服務態度囉！！ 嘢食都未嗌，啲態度就咁啦！仲邊度夠膽食呀！！咪起身走人囉！！ 家下咁嘅環境諗住純粹支持下啫！ 唔使掟嘢又黑面咁嘅態度囉！真係有啲不知所謂囉 ， 好在未嗌嘢食啫，唔係就背脊骨落啦！ 店員態度好一些都食得順氣啲， 煩請有關店員自我檢討下。