Video
Read full review
2018-02-26
865 views
今日同左個烹飪達人去韓燒，獲益良多。呢個朋友係外國讀書，自給自足，練得一手好廚藝，燒野食對佢黎講駕輕就熟。佢驚交比我地會糟蹋左d食物，所以全程由佢搞點，我地其他人就樂得乖乖地坐埋一邊，坐享其成。同得烹飪達人食野，所叫既食物一定要有番d水準。呢隻有出世紙既牛牛就係其一。驕傲自滿韓牛拼盤 $862 呢隻韓牛來自濟州島，4歲多，屬於細牛。先黎一份窩蛋牛，要弄穿蛋黃，令牛肉吸晒d蛋汁，牛蛋合一woooo無得輸。咁一隻牛，究竟由邊到開始食起先岩呢？答案係由下半身到頭，由淡味到濃味。牛既下半身d肉較甜，較易入口。牛面，牛酥味重，較重口味，不是人人喜歡。食落又真係覺得講得岩喎，牛面真係好酥，唔太岩我。燒肉既時候，唔好每面都燒下，要燒好一邊才再燒另外一面，咁樣先可以確保個心都熟。長知識了。厚切五花腩配特製韓國魚醬 $128其中一個朋友見到呢個咁肥既柏林圍牆話唔想食，話唔知要跑幾多公里先可以燃燒返d卡路里。烹飪達人安慰佢話其實係燒既過程中，d油會被迫出，成品係唔會太油膩既😏😏而五花腩即係豬腩肉🙄係豬腹部既肉，位於豬前腿和後腿之間，上等部位就係五花腩。靚既五花腩肥肉瘦肉層次分明，肉質比全瘦豬肉仲好，正正就
同得烹飪達人食野，所叫既食物一定要有番d水準。呢隻有出世紙既牛牛就係其一。
驕傲自滿韓牛拼盤 $862
呢隻韓牛來自濟州島，4歲多，屬於細牛。
先黎一份窩蛋牛，要弄穿蛋黃，令牛肉吸晒d蛋汁，牛蛋合一woooo無得輸。
咁一隻牛，究竟由邊到開始食起先岩呢？
答案係由下半身到頭，由淡味到濃味。
牛既下半身d肉較甜，較易入口。
牛面，牛酥味重，較重口味，不是人人喜歡。食落又真係覺得講得岩喎，牛面真係好酥，唔太岩我。
燒肉既時候，唔好每面都燒下，要燒好一邊才再燒另外一面，咁樣先可以確保個心都熟。長知識了。
厚切五花腩配特製韓國魚醬 $128
其中一個朋友見到呢個咁肥既柏林圍牆話唔想食，話唔知要跑幾多公里先可以燃燒返d卡路里。烹飪達人安慰佢話其實係燒既過程中，d油會被迫出，成品係唔會太油膩既😏😏
而五花腩即係豬腩肉🙄係豬腹部既肉，位於豬前腿和後腿之間，上等部位就係五花腩。靚既五花腩肥肉瘦肉層次分明，肉質比全瘦豬肉仲好，正正就係講緊我呢件五花腩喇
經過烹飪達既出手，柏林圍牆變左黃石公園既石頭😂😂😂
相中呢兩隻豬仔，原來係薯仔黎呀。🐷🐷🐷
原來一邊燒肉一邊燒蔬果，蔬果酵素浸入d肉到，可以令到d肉更稔身。而想有效咁鎖住肉汁，就要留意燒肉上碟時唔好急住食，要等佢冷卻一陣，咁就可以鎖住肉汁，令肉香更濃。
原條燒釜山鰻魚 $238
本身要預訂，但冇預訂都有得食喎睇住佢慢慢縮小，長度起碼小左成2吋。
塊葉係俾我地包住塊魚食，話會冇咁腥味。
另外，亦配有小量薑絲除腥味。
腥味就唔多覺，只覺得唔夠肥美，有點失望。好在有個秘製鰻魚汁幫佢加分。
整體黎講，呢到D食材新鮮，份量亦足夠。
但環境衛生和服務就有侍改善。
我地一坐底就見到張枱邊有張上手留下而又用過既紙巾，唔合格。
落單要揾好多人先可以成功落單。樓面上唔知係佢地有好多新人定係分工，重之落單既人就少。其中有個職員更浪費了一份五花腩，唔小心掉左落地，睇見就可惜。
Other Info. :
邊爐蛋同芝士粟米係無限添加，我地四個人，添加左四次。前菜，沙律同生菜都係無限添加，不過我地四個食肉獸冇乜點理會呢幾份食物。
(The above review is the personal opinion of a user which does not represent OpenRice's point of view.)
Post
