滿江紅 (Closed)

女友嗜辣，就帶佢黎呢間充滿中國風嘅川菜。被安排坐在闊落嘅卡位。奉上兩碟小食呢碟雞腎都真係幾辣下，青瓜嘅蒜泥幾好來。青檸樹偏酸，但適合解膩。擔擔麵$32咋，芝麻同花生味超級濃郁。麵質好煙韌。酸菜桂花魚加左寛粉呢度嘅酸菜魚係唔辣咖，不過可以加辣度。酸菜湯非常順口，酸菜好好食。桂花魚肉質嫩滑，而且食得出魚味。寬粉份量都幾多而且厚身，食極都有。火龍果沙冰味道幾天然，清爽解膩。蒜泥白肉大片片，蒜泥十足，而且都有點嗆。