阿杏飯團 (Closed)

港島見到咁多人我又八卦去睇，原來係依家好多人介紹嘅阿杏飯團🍙因為多人買之前又多人介紹我又走咗去買。原來佢有咁多款嘅配搭可以俾你選擇。叫咗個網紅蟹肉飯團同埋麻辣牛扒飯團。叫完佢會即叫即做，但雖然當天多人，等候時間都唔算太耐。味道都好香，入面餡料好足。每一個飯團你都可以選擇原味沙律醬，蜂蜜芥末醬或者秘製麻辣醬。如果另外想再加其他料都可以😍😍唔似傳統嘅栥飯，可以配搭唔同嘅餡料，變得更加香更加好食。本身佢個飯團有肉鬆，而我又係好鍾意食肉鬆，其他餡料你每一啖都好分明咁樣食到係啲咩，感覺唔錯幾好，有啲紫菜包住個飯團，紫菜未食已經係超香，仲用咗紫米去做飯團，食落都覺得健康啲，整體來講個飯團都唔錯，難怪咁多人買