臺北棧 (荷李活道) (Closed)

一間有質素既台式餐廳👍, 我覺得佢整體既食物水準高, 好地道, 重點係呢度既staff大部分都好靚仔、人又nice~~飲品方面, 我推薦佢既綠豆沙豆漿 , 飲落質感好creamy, 有豆香, 綠豆蓉加香甜既豆漿, 呢個combination好正!黑松露玉米蛋餅既黑松露味好香, 蛋餅咬落微煙韌。櫻花蝦炒高麗菜食落唔太油膩, 有櫻花蝦同蒜香味, 幾惹味, 好容易就K.O哂成碟。蕃茄牛肉麵個蕃茄湯底好濃郁, 牛肉麵充分吸收到番茄既鮮味。麵上既牛筋炆得好夠淋、好入味。呢個甜品入面有愛玉、伯爵茶凍 、蕃薯同紫薯味既芋圓、綠豆粒、珍珠等等。 紫薯味芋圓既紫薯味突出, 伯爵茶凍既伯爵茶味香濃, 芋圓質感夠煙韌。