賞茶 (Closed)

每日都好掛住台灣夜市，無得飛嘅日子唯有喺香港品賞台灣嘅味道。煎炸食物先係我最愛😍😍😍喺佐敦嘅賞茶原本有三個堂食位置，但因為疫情，所以一定要外賣。平時飲賞茶飲得多，今次食埋佢嘅套餐：台南套餐（$49）分別有鹽酥小派對 (一口雞、花枝丸、薯條)+桂花烏龍（可以另外加配料，我另外加咗蘆薈$4）因為喺附近食，打開嘅時候仲喺熱辣辣，調味粉都好夠味，一打開隔住口罩都聞到😍😍😍桂花烏龍雖然冇荔枝烏龍咁甜，但其實都偏甜㗎，所以建議一定要半糖或者微糖，我自己飲荔枝蘆薈烏龍一定會微糖，桂花蘆薈烏龍就半糖。