瘋鳥 (Closed)

閨密新居入伙，歡度了一個下午後，就到樓下呢間小店醫肚。看來呢間餐廳都有幾多區內嘅熟客幫襯，雖然坐落在寧靜嘅住宅區內，夜晚亦座無虛席，店員就帶咗我哋入店內一個比較隱蔽嘅地方用膳。見到牆上嘅壁畫，就知道呢度嘅餐廳裝修係以藝術電影做主題，非常打卡able。食物餐牌其實只有簡單嘅一頁，雖然簡簡單單但亦五臟俱全，我哋好容易就已經選擇到想食嘅食物。既然係打卡嘅餐廳，所以小店更加注重佢哋嘅飲品，比起一般餐廳來講，佢哋嘅飲品製作相對地認真及多元化，所以我哋都各揀咗一杯特飲試吓。因為都有幾款小食想試，所以就索性叫咗小食拼盤，份量相當多，包括有日式南蠻炸雞翼、西蘭花芝士卷、鹽酥菇、芝士薯波及薯條，兩個醬汁分別係他他醬同埋芝士醬，比配普通嘅茄汁更加配搭得宜。我尤其喜歡呢個西蘭花芝士卷，因為雖然係芝士，但佢嘅感覺一啲都唔油膩，而且佢嘅芝士仲可以做到拉絲嘅效果，真係超鍾意呢款小食。主菜方面，我哋揀咗食牛扒，八安士嘅份量， share嚟食啱啱好，滿足得來又可以食到其他嘢。佢嘅西冷肉質鮮嫩得來亦不失肉味，生熟度適中，仲配埋薯條同沙律菜。餐牌上有款Pizza叫古早章魚燒pizza，覺得應該幾特別，又好好奇佢同古早有咩