兔子兔子茶飲專賣店 (Closed)

同大少食完飯，佢話附近開咗間新嘅「兔兔」台式奶茶店，我話好呀咁咪去試囉。響天后地鐵站一出來，已經見到對面好大個廣告牌。位置方便，一過馬路就係啦。初時以為係地舖，但原來係要上樓梯，去閣樓嘅。大少揀咗日式蕎麥鮮奶茶、我就揀咗泰泰鮮奶茶。我問大少好唔好飲、佢只係講左一句ok. 我就自己大懵左，唔記得叫佢少甜。我杯泰泰鮮奶茶比較淡，都飲到少少泰國奶茶嗰種味道、但係嗰種甜，就太甜，感覺似係用糖精，而唔係用煉奶。唯獨是吸引我嘅，就係佢同Mr. Potato Head 嘅cross over.每一杯，都送一張貼紙俾你知響個杯上面。我自己覺得好玩多個好飲。