Video
Read full review
2018-12-08
507 views
幾年前曾經去過日本築地連對魚生冇咩感覺既我都難以忘懷今日一試鮨川，竟令我尋回昔日既味道一入門口已經聞到濃濃既魚味呢種味係魚香而唔係魚腥而環境清幽既鮨川令人感覺好放鬆亦因為咁，客人先可以好好咁享受黎既緊一場盛宴omakase意思即係廚師發辦由師傅認為當日咩食材最新鮮而上菜可以話係對師傅最高既信任更加係有實力既師傅最高既自信==============================一間食店既好壞其實真係憑佢既一杯茶一道前菜已經睇得出分野濃濃既熱茶，配上賣相如此精緻既前菜為呢一餐揭起左令人期待既序幕帶有濃濃既鴨味既鴨胸唔好睇小上面小小既核佢淡淡而清新既香味令到鴨胸既味道更為突出呢個唔係西瓜而係一個好精緻既明太子辣辣地既明太子非常開胃而且仲有誘人既鮮味其實我一直好怕食海膽因為對於好少食海鮮，好怕腥味既我黎講海膽真係難以接受但係呢到既海膽令我完全改觀食完之後我不禁問一句：原來海膽係咁既味？原來海膽可以咁鮮味？甚至令我有一種感動既感覺依家呢刻先明原來Ｄ飲食漫畫既人物食到好味既野會感動到流眼淚係真係有可能發生==============================食完前菜就到今日既重頭戲啦可以
連對魚生冇咩感覺既我都難以忘懷
今日一試鮨川，竟令我尋回昔日既味道
一入門口已經聞到濃濃既魚味
呢種味係魚香而唔係魚腥
而環境清幽既鮨川令人感覺好放鬆
亦因為咁，客人先可以好好咁享受黎既緊一場盛宴
omakase意思即係廚師發辦由師傅認為當日咩食材最新鮮而上菜
可以話係對師傅最高既信任
更加係有實力既師傅最高既自信
==============================
一間食店既好壞其實真係憑佢既一杯茶
一道前菜已經睇得出分野
濃濃既熱茶，配上賣相如此精緻既前菜
為呢一餐揭起左令人期待既序幕
帶有濃濃既鴨味既鴨胸唔好睇小上面小小既核
佢淡淡而清新既香味令到鴨胸既味道更為突出
呢個唔係西瓜而係一個好精緻既明太子
辣辣地既明太子非常開胃
而且仲有誘人既鮮味
其實我一直好怕食海膽因為對於好少食海鮮，好怕腥味既我黎講
海膽真係難以接受
但係呢到既海膽令我完全改觀
食完之後我不禁問一句：原來海膽係咁既味？
原來海膽可以咁鮮味？
甚至令我有一種感動既感覺
依家呢刻先明原來Ｄ飲食漫畫既人物
食到好味既野會感動到流眼淚係真係有可能發生
==============================
食完前菜
就到今日既重頭戲啦
可以坐係吧台到欣賞師傅細膩既刀功
除左滿足味覺，視覺都係一大享受
而師傅更加會係見到你食完一舊先會開始整另一舊
因為咁樣先可以呈上最新鮮既食材
（由於魚類品種太多，希望冇配對錯圖啦）
真鯛食真鯛最緊要睇佢夠唔夠薄
因為佢既質感韌度較高而且較淡味
夠薄咁先可以突出鮮甜既味道
而呢到刀功上乘既師傅就能夠將最完美既真鯛呈現出黎
深海池魚其實深海池魚同池魚
係兩種唔同品種既魚黎
深海池魚比起池魚更清，更爽，更鮮甜，亦更肥美
而呢到既深海池魚就正正將佢既優點呈現晒出黎
間八
色澤分明，新鮮度十足
師傅將佢切成兩層，令質感更爽口彈牙
再係上面灑上少少調味令鮮味更為突出
赤貝
呢個令我印象最深刻就係師傅上台前將佢拍一拍平
上菜果陣赤貝會慢慢變返曲
可見佢幾新鮮而有彈性
味道當然都係一流
鯛魚
呢個我就忘記左係咩魚
但記得係鯛魚黎
佢最特別係上面既醬汁好突出到魚既鮮味
海膽本身食完前菜令我好感動既海膽
以為冇機會再食
點知仲有呢個好奢侈既四件海膽一次過食
睇住師傅係一板板既海膽上面新鮮拎出黎
食過真係返唔到轉頭
海鰻天婦羅唔好以為得壽司咁冷冰冰
仲有個食事既
今日就係呢個海鰻天婦羅
經過酥炸既海鰻
除左有酥脆既外層
更有仍然好細嫩既肉質
配上以香蔥製成既醬汁更令突出海鰻既鮮甜美味
牡丹蝦
又彈牙又爽又甜既牡丹蝦
配上少許蝦子，除左本身既鮮甜味仲增添左少少鹹香
令人食指大動
帶子
一個字：鮮甜！
最鍾意佢仲用左少少柚子同胡椒黎調味
令味道更有層次
金目鯛
淡淡的櫻花粉紅色既金目鯛
魚肉鮮甜嫩滑
師傅上台前輕輕火灸魚皮
令魚肉仍然鮮嫩，魚皮多份香脆
喜之次喜之次（Kinki）係香港可能比較少見
但其實係日本係其中一種最受歡迎既魚之一
因為佢肉質細嫩且魚脂特別肥厚令佢好受日本人喜愛
所以入口會感受到好香既魚脂味
拖羅
食日本野又點可以冇吞拿魚呢
可以見到佢同平時見到既最大不同就係佢比平時既白好多
證明油脂分佈幾平均，幾豐富
所以入口果陣濃濃既魚脂香係口腔入面散發
加上佢既蔥絲
令人唔會覺得膩
真係好「蔥」明既一個配搭
鯖魚（好似係）本身鯖魚因為魚腥味會偏重而以燒黎食居多
但新鮮既鯖魚加上師傅既手藝
令佢唔腥不突止仲比其他多左份魚香，真係一試難忘
蜆清湯
今日既壽司盛宴話咁快已經食完
飯後就呈上左一碗不輸壽司鮮味既蜆清湯
大大隻既蜆鮮味十足
而湯亦都吸收晒蜆既精華
富有柿
飯後甜品無需花巧
只需要一件新鮮，鮮甜多汁既柿即可
細緻既果肉，加上咬落去必出黎又香又甜既柿汁為呢一餐畫上一個完美既句號
==============================
今日呢一餐
係我小數係香港可以食到築地味道既鋪頭
而且食咁多種唔同種類既時令海鮮
每人都只係一千蚊左右，仲要食到飽飽
不論肉體上也好，精神上也好
都感到非常滿足
都係果句：「唔好食既野，價錢再低都係貴； 好食既野，價錢再高都係平。」
而鮨川就係「好食既野，價錢再高都係平」啦
Post
