Video
Read full review
2018-11-29
64 views
一間有特別主題嘅西餐廳通常會令人先入為主，總覺得重點放咗係裝飾多於食物本身，不過今晚食呢間就令我改觀。餐廳佈置到探險尋寶feel咁樣，未入門口就已經見到一堆變裝道具。入到去反而覺得似一間高級有格調嘅西餐廳，放晒蠟燭，又有劃分酒吧位置，可以齋飲酒都得，氣氛不錯～設計到好似尋寶地圖嘅menu，食物種類唔算多，不過都足以令我選擇困難。即刻問店員有咩推介，然後就嗌晒招牌菜就實冇死！茴香焗海蝦沙律 $98蝦有一陣特別嘅香氣，我諗就係茴香，沙律伴酸橄欖呢個配搭好開胃～馬賽漁夫湯 $138係一種傳統嘅海鮮湯，用大量海鮮去煲，個湯飲落好鮮甜，集合各種海鮮嘅精華，湯料有蜆、青口、魚肉、蝦同蔬菜，好豐盛！法國黃雞胸 $198黃雞胸用咗慢煮嘅方法去處理，可以煮出更鮮嫩嘅雞胸。肉質冇我想像中咁嫩，始終雞胸呢個部位係好難煮到好似雞脾咁嫩，但已經一般雞胸好食，不過不失。反而我覺得配菜好有心思，係薯蓉配一種我都未食過嘅瓜，口感脆脆地有啲似蘿蔔，我幾鍾意～西班牙羊頸肉拼法國羊肉腸 $278朋友係勁鍾意食羊，而呢個羊頸肉同羊肉腸佢大讚～一切開可以見到係五成熟左右，非常之juicy而且肉嫩不過我更愛羊肉腸嘅肉香，帶點臘肉
餐廳佈置到探險尋寶feel咁樣，未入門口就已經見到一堆變裝道具。
入到去反而覺得似一間高級有格調嘅西餐廳，放晒蠟燭，又有劃分酒吧位置，可以齋飲酒都得，氣氛不錯～
設計到好似尋寶地圖嘅menu，食物種類唔算多，不過都足以令我選擇困難。即刻問店員有咩推介，然後就嗌晒招牌菜就實冇死！
茴香焗海蝦沙律 $98
蝦有一陣特別嘅香氣，我諗就係茴香，沙律伴酸橄欖呢個配搭好開胃～
馬賽漁夫湯 $138
係一種傳統嘅海鮮湯，用大量海鮮去煲，個湯飲落好鮮甜，集合各種海鮮嘅精華，湯料有蜆、青口、魚肉、蝦同蔬菜，好豐盛！
法國黃雞胸 $198
黃雞胸用咗慢煮嘅方法去處理，可以煮出更鮮嫩嘅雞胸。
肉質冇我想像中咁嫩，始終雞胸呢個部位係好難煮到好似雞脾咁嫩，但已經一般雞胸好食，不過不失。反而我覺得配菜好有心思，係薯蓉配一種我都未食過嘅瓜，口感脆脆地有啲似蘿蔔，我幾鍾意～
西班牙羊頸肉拼法國羊肉腸 $278
朋友係勁鍾意食羊，而呢個羊頸肉同羊肉腸佢大讚～
一切開可以見到係五成熟左右，非常之juicy而且肉嫩
不過我更愛羊肉腸嘅肉香，帶點臘肉嘅甘香，越嚼越有味～
整體黎講，菜式無論係色香味都可見心思，而且份量十足，環境更加係冇得彈，實在係唔錯嘅西餐之選！
Post
