聚福樓 (Closed)

呢間餐廳係屯門好出名，有間姐妹店係隔離鋪位😚叫秋香，但出奇地今次食西餐～聚福樓 前一晚book位都仲有位，我就去左食啦！ 記得我半年前食過，都仲覺得佢係好高質既西餐，但今次去，覺得普通左啲🥺唔知係咪叫既野食唔同左呢🧐燒原隻春雞、蜆肉蕃茄乾意粉同黑松露牛肝菌意大利飯🥰蜆肉意粉真係比較參差，雖然我中意食硬身既意粉，但佢真係有啲過硬，意粉唔能夠掛汁有啲可惜。而原隻春雞，佢會成隻上碟比左我地影相先然後再拎去廚房切開，幾細心。春雞唔會燒到太熟，肉汁亦然保留得住，配上特制既青醬都幾好食。但最好食既就係黑松露牛肝菌意大利飯，啖啖都有忌廉同洋蔥既味，配埋黑松露真係一絕🤤