八番拉麵 (Closed)

是日叫左一個日式叉燒拉麵拼煎餃子。整體黎講食物質素唔錯，八番拉麵既拉麵麵質係亮點，幼身得黎又有口感。佢既幼身令到拉麵吸到更多湯底，食落去更加好味，但係佢又有粗身拉麵既軔度同爽度，食落去既口感比一般拉麵好。不過，除左拉麵量太少，湯底於我而言太淡，香味同咸味都唔係太夠。叉燒既量都唔係太夠，但係味道都唔錯。餃子既味道都幾好，不過我覺得可以煎耐少少，少少焦可以令佢既香味更加突出，而且餡料都有少少淡。整體黎講，味道都算唔錯，以七八十蚊黎講還可以啦，不過係foodmall黎講，就真係有少少貴啦