禾牛薈火煱館 (金馬倫道)

Open Now

Now Closed

好友生日想搞個驚喜派對，要有好嘢食有得唱k又有個私人空間，又唔想去party room，其中一個好識飲識食嘅friend搵到金馬倫道呢間火鍋，部長好好人，安排咗一間14人卡拉ok房畀我哋，一入去見到一張大長枱，上面有四個爐，剛好14個朋友夠曬坐。餐廳提早畀我哋入場教生日佈置，壽星女到了開心到不得了。食物方面全部係冇得彈，牛肉有幾款，我哋叫咗最平和中價兩種，兩款都好食。丸類全部係新鮮手打，最特別係有田雞，好少地方有得食。飲品叫咗啤酒，竹蔗茅根水同菊花茶各幾渣，全部都好飲。醬料方面有一隻類似xo醬特別好味值得推介，整晚在美食k歌中快樂渡過。價錢方面呢間係屬於中偏高，喺尖沙咀呢個地段，咁嘅環境同食物質素，都算物有所值。