Video
Read full review
2025-01-09
232 views
旺角有好多間cafe店，不過我今次要介紹既呢間係位於金雞廣場高層既cafe店～雖然係樓上鋪但一出lift走廊係好光猛絕對唔洗擔心，走廊直行到尾就到啦😌店鋪大枱同細枱各佔一半，方便大家約埋朋友一齊黎傾計玩board game又得，情侶上黎慶祝食飯都得☺️餐廳有埋蛋糕供應，可以食完正餐甜品直落～只需要惠顧Dinner set就可以加$38嘆埋田園沙律+特色芝士蛋糕🍰餐廳仲有大量board game比你選擇，有大富翁、UNO、三國殺等等，一定有款岩玩～記得玩完要放番原位呀😌—————————————————————————————♦️西班牙海蝦辣肉腸燴飯🦐：蝦好大隻，辣肉腸都好大舊，配料有青椒、黃椒、紅椒、洋蔥，醬料帶有蕃茄味加埋配料一齊食，不但唔酸仲帶有甜味好開胃♦️香蒜白酒蜆肉意粉：蒜味香濃但唔會覺得濟，意粉軟硬度適中，成碟意粉油膩感唔重，加左蕃茄仔更能提升口感✨✨加$38升級田園沙律+特色芝士蛋糕🍰❣️田園沙律：加左胡麻醬幾好味，餐廳好貼心將沙律菜size切到岩岩好入口👍🏻❣️巴斯克蛋糕：表面既焦糖香脆，入口溫度微暖即叫即製，味道帶少許焦糖微甘味，配埋旁邊既可可粉中和左焦糖甘味岩岩好，芝士唔臊入
餐廳仲有大量board game比你選擇，有大富翁、UNO、三國殺等等，一定有款岩玩～記得玩完要放番原位呀😌
—————————————————————————————
♦️西班牙海蝦辣肉腸燴飯🦐：蝦好大隻，辣肉腸都好大舊，配料有青椒、黃椒、紅椒、洋蔥，醬料帶有蕃茄味加埋配料一齊食，不但唔酸仲帶有甜味好開胃
♦️香蒜白酒蜆肉意粉：蒜味香濃但唔會覺得濟，意粉軟硬度適中，成碟意粉油膩感唔重，加左蕃茄仔更能提升口感
✨✨加$38升級田園沙律+特色芝士蛋糕🍰
❣️田園沙律：加左胡麻醬幾好味，餐廳好貼心將沙律菜size切到岩岩好入口👍🏻
❣️巴斯克蛋糕：表面既焦糖香脆，入口溫度微暖即叫即製，味道帶少許焦糖微甘味，配埋旁邊既可可粉中和左焦糖甘味岩岩好，芝士唔臊入口軟滑
❣️開心果tiramisu麻糬蛋糕(💖最新推出)：表面有滿滿開心果碎，第一層係開心果醬，第二層係tiramisu蛋糕，第三層係麻糬，一次過滿足晒你3個願望🤭中意開心果既朋友唔好錯過呀~
♦️蜜糖雞翼：一上菜果陣熱辣辣，蜜糖味好香甜，雞翼夠大隻肉質仲好嫩滑
♦️炸薯條：份量幾多即叫即炸，每條薯條都好粗身有好多薯仔蓉，絕對係聚會必叫🤭
♦️月亮(荔枝、菠蘿鮮打沙冰）：超冰凍，菠蘿味略淡，但荔枝味較濃，雖然啲冰比較多但味道唔會減淡，仲越飲味道越濃郁
✨溫馨提示：一開始可能要飲快少少，因為比較滿啲冰會溶好快滿瀉～
♦️戴安娜(紫玫瑰花，紅玫瑰花，洋甘菊，薰衣草)：好貼心有小蠟燭熱住個茶壺，唔好睇小支蠟燭啲茶真係有煙～飲落去洋甘菊同薰衣草味較突出，成程飲住佢仲有助消滯，其功效可以消除疲勞、鬆馳神經、可冶失眠、養肝明目、抗老化同舒解壓力～不過不適合孕婦飲用‼️
評分🖍️(滿分為5個🌕)
抵食指數：🌕🌕🌕🌕🌗
服務質素：🌕🌕🌕🌕🌕
環境：🌕🌕🌕🌕🌑
味道：🌕🌕🌕🌕🌑
Post
