組長日式放題 (Closed)

好耐冇同媽咪去食過放題喇，難得佢話想食，就同佢去銅鑼灣行街再食放題晚餐喇之前係旺角間組長食過唔錯，今次就試下係CWB既分店一上到黎就有魚蝦蟹玩原來係promotion，唔同時間亦有唔同遊戲玩，今次個game有3次搖骰機會，之後睇你搖到咩而換相應既獎品，我地最後中咗松葉蝦腳4隻刺身選擇唔算太多，有8-10款，象拔蚌、帶子、油甘魚等都算新鮮，不過大赤蝦就一般，頭好黑，不過肉質都彈牙蟹腳唔算好大，如果加$38可以任叫，都抵食，尚算新鮮鰻魚串 雞肉起司卷 青椒仔煙肉串熟食選擇都夠多，味道唔錯，雞肉嫩滑，加上cheese更美味，煙肉夾住青椒食，可以中和油膩感壽司方面，上枱既賣相一般，有接近30款選擇，當中有我最中意既左口魚、海膽花之戀等等，味道不錯天婦羅既種類多而特別，有三文魚、木瓜、香蕉等，不過上枱既時候已經凍咗，外層炸粉已林，而且三文魚天婦羅有腥味，有小小失望😞仲有凍熱飲，湯，粥可以自己去拎，推介大家可以試下個花膠元貝水蟹粥，味道唔錯，媽媽好like最後仲有甜品雪糕，甜品味道唔錯，糯米糍、木糠布甸都好味細細件，唔怕浪費