滿堂樂滬京風味 (Moved) New Location

紅磡食店一向臥虎藏龍，價廉物美。呢間上海麵係我多年嚟經常一個人幫襯，味道一直保持水準！呢間小店由一家人經營，店中有賣大大份粢飯，入面好足料，肉鬆同炸菜都好夠味，加埋杯冰凍豆漿，平時做早餐或者下午茶都唔錯！講返呢度嘅名菜都係碗上海麵，我本人就比較鍾意食幼麵，無論津白定韭菜餃都好出色，如果鍾意食酸辣就更加唔可以錯過酸辣湯底，夠晒足料，酸度辣度都適中，一碗對於男人都夠飽！另外都推介炸豬扒同雞翼，尤其雞翼好入味，唔係亂嚟；唯一可惜係以前有燻魚賣，不過近期冇再做，希望第日可以重溫滋味！呢度始終係舊區同老店，環境唔算特別乾淨，但就真係味道同價錢夠平搭夠！