捌壹公館 (Closed)

有一段時間無見朋友，見到呢間小店嘅食物幾有心思，就book了去食下。店員好親切，會主動問我地要唔要介紹食物。原來佢地嘅年糕係三面煎香的，超有心思。可惜朋友唔食牛，下次來真係要食下。而且單骨鷄翼竟然用上全隻，啖啖肉，正~🥂81 signature ($78)-呢杯飲品真係好ig-able，店員會幫您整個大泡泡在上面。不過真係要輕力，否則好易爆開～飲落去係係vodka 加fruit，還有好獨特嘅蘋果木香，係好fresh同易入口。 ✨挪威煙三文魚及牛油果醬配法式酸種包，田園沙律 ($108) -雖然話係牛油果醬，但其實係啖啖堅·牛油果肉，下面sourdough好新鮮脆香，係有水準之作仲有我最期待嘅甜品-話梅菠蘿醬配窩夫及雪糕($78)，好味得來唔會好甜，滑香雪糕同脆口waffle好match!真係bookmark左會再來嘅餐廳。