鮨勝 (Closed)

屯馬開通之後去九龍城方便好多，今日約埋好姊妹一齊去試下Omakase，晚餐只有兩個套餐選擇，我地就揀左秀。鱈魚白子下面有蛋黃上面係自家製xo醬，味道好特別有驚喜，白子滑嘟嘟。赤貝加左橄欖油同檸檬汁山葵，味道爽脆帶少少海水味道。平目魚 包住燒左魚邊同芽葱，上面土佐藻啫喱，魚肉嫩滑，味道酸甜開胃。熟成一周鰤魚用左醬油漬方法漬製，肉質緊至結實，油脂味濃，配上香葱味道清新。熟成兩周拖羅，甘香味道濃，口感豐富。赤身醬油漬，油脂分泌平均，入口即溶。櫻煮八爪魚超級軟林，可以一絲絲拉出，醬油味鮮甜。炸金鯛魚質嫩滑，魚皮炸到脆卜卜，配上宮崎洋葱汁味道更惹味。目仁奈入口順滑，味道鮮甜加左青瓜漬帶點清新感覺。北寄貝新鮮爽口，加左青檸汁香草醬味道更上層樓。紹興酒醃漬牡丹蝦好有驚喜，牡丹蝦爽嫩鮮甜，食到淡淡地嘅紹興酒味。京都海老芋配松葉蟹柚子汁炸過芋頭外脆內粉，松葉蟹鮮味濃郁加左柚子汁味道多左份清新嘅感覺。根室赤上海膽入口口感creamy，鮮味十足。煙燻木銀鱈魚肉質嫩滑，邊位炙燒過多左份油脂香，加左生熟蒜味道濃郁。海鰻手卷海鰻油脂豐富，醬汁香甜，師傅烤左一下紫菜，紫菜更加香脆。拖羅手卷加左蘿蔔蓉增添口感，拖羅蓉