江南味

Open Now

Now Closed

其實經過呢間小店好多次，因為佢個門面唔係話好靚嘅裝修，次次行過都會比其他門面靚啲嘅吸引咗. 今日晏晝的起心肝務必要試吓佢啲點心同埋主餐。我哋嗌左兩個套餐，一個就係獅子頭菜飯，另外一個就係韭菜餃上海幼麵。點心呢就係佢嘅春卷同埋小籠包。獅子頭有兩粒中size嘅獅子頭，質感好好，再加埋佢個獻汁真係撈多一碗白飯都仲食得！菜肉餃個麵就都好味，不過就冇乜好大驚喜。春卷同埋個小籠包，食起上嚟唔會覺得好濃味，有啲清新嘅感覺，我覺得真係好住家feel。佢每一個餸上到嚟我就已經忍唔住食，所以影到啲相好核突。