鶴亀 (Closed)

海老帆立貝沾麵😋由於拉麵店地方唔大，所以廚房煎海老時候我坐喺度都聞到好香嘅海老味道，當沾麵上枱時覺得賣相都唔錯，配料有海老，帆立貝，叉燒，玉子同荀乾昆布，麵質ok帶少煙韌，湯頭加左櫻花蝦所以更加香濃咸度亦適中，海老同帆立貝加左少少香料煎得幾香，比較遜色嘅係叉燒比較乾身，但我覺得要讚嘅反而係小店原來係由一家港人經營，媽咪做樓面招呼同幫客人落單，個仔就做廚房，喺佢哋言談間我睇到佢哋好有心想做好每碗拉麵送到每位客人面前，其實我個人係不太喜歡港人經營嘅拉麵店，但呢間例外，係一間值得支持嘅港人經營拉麵小店。