金三角

Open Now

Now Closed

悠長假期最適合就係四出覓食！九龍城出左名有好多地道嘅泰菜，今次就特登嚟呢間新開有心嘅金三角💛樓面唔大座位唔多，7:15pm去到已經有條長長人龍，等左大約半個鐘終於成功入座～叫左青咖喱雞加一碗白飯。青咖喱稍辣，泰式茄子爽得嚟一咬裏面d種籽就爆出嚟超有口感。仲有另一款更細粒嘅泰式BB青茄子，皮超硬，裏面嘅種籽有d苦澀，但撈埋青咖喱嘅辣汁又幾夾。雞肉又多又滑，加埋泰式蘿勒同豆角超fresh，唔覺唔覺就食晒碗飯🤣跟住叫左泰式串燒豬鮮奶，個名好特別但食完都唔係好知鮮奶係指咩！豬肉燒得好香好滑，個醬汁甜甜而且有濃濃嘅花生香，正！原本order左泰式串燒牛但售罄，所以最尾又encore左串燒豬鮮奶！之後就係我最愛嘅炸蝦餅！炸得好香口而且蝦肉彈牙，$68有六件超抵食！仲試左生蝦，個醬汁酸酸辣辣好開胃所以迅速食完！飲品叫左泰式椰汁冰，佢比較特別鹹鹹地，奶味激濃，同平時飲開嘅好唔同，好唔好飲就見仁見智啦～最後要咗芒果糯米飯做甜品！糯米用左碟豆花汁所以呈現紫藍色，加埋鮮黃芒果，又靚又夢幻！特別係個糯米本身已經調好味，唔使加好多鹹椰漿已經好夠味，又煙靭，為今餐畫上完美句號～附上部份餐牌以供參考。