榮華南洋冰室

Open Now

Now Closed

午飯時間全場爆滿，不過等咗一陣好快就有兩個位，服務員態度有善，可惜海南雞飯售罄，叫咗兩個冬陰功金邊粉，一個跟雞髀扒，令一個跟豬頸肉，再追加咖喱魚蛋。雞扒好夠黃姜味，豬頸肉醃料都好濃味，冬陰功湯底就太重青檸味，蓋過晒其他香料嘅味道，除咗金邊粉仲配左生菜芽菜和豆卜，如果有埋芫荽蔥同九層塔就更加好啦，唔用碗用手柄嘅煲，幾有創意。咖喱魚蛋配上多士，非常特別，個咖喱汁好好味，魚蛋嘅質素都唔錯，但係可能用微波爐翻叮過龍，一入口嘅時候俾佢燙親，杯柑橘蜜都好好飲，唔會太甜，柑橘味濃，清爽涼快。下次會再去試吓其他嘢。