Video
Read full review
2023-11-22
37 views
平時都成日經過半島中心，但係今日行入去先知道原來入面都有咁多餐廳，呢間餐廳幾特別，一開始以為係酒吧，但係原來係有得食潮州嘢㗎喎，幾特別啊！呢到其實都有小菜，茶餐廳野食，炒粉麵，酒等等，所以一班人來一定有野岩食，旁邊更加可以玩飛鏢！女仕星期一至六都有買一送一嘅cocktail優惠。我地今次要左Kamikaze同Dark & Stormy，兩杯都好易入口，買一送一代表$78就有兩杯超抵啦！配埋$20一位嘅麻辣花生就一流啦。招牌滷水拼盤好好食，滷水好入味，份量夠多，豆腐正！潮式韭菜豬紅都超水準，冇腥味，豬紅夠軟腍腍，濃濃嘅醬汁仲滲哂去，好好食！懷舊琵琶豆腐炸得超酥脆，份量超多，連菜都比左好多條。食得咁多煎炸嘢，就叫返個比較滋潤啲嘅方魚肉碎粥，冇諗過竟然會有魚嘅鮮甜味，粥都軟糯。然後甜品就要左西多士，平時多數要下午茶先有得食，今次嚟晚餐都可以食到真係好開心！入面有好好嘅花生醬，加埋厚厚嘅牛油同糖醬，好滿足！
女仕星期一至六都有買一送一嘅cocktail優惠。我地今次要左Kamikaze同Dark & Stormy，兩杯都好易入口，買一送一代表$78就有兩杯超抵啦！配埋$20一位嘅麻辣花生就一流啦。
招牌滷水拼盤好好食，滷水好入味，份量夠多，豆腐正！潮式韭菜豬紅都超水準，冇腥味，豬紅夠軟腍腍，濃濃嘅醬汁仲滲哂去，好好食！懷舊琵琶豆腐炸得超酥脆，份量超多，連菜都比左好多條。食得咁多煎炸嘢，就叫返個比較滋潤啲嘅方魚肉碎粥，冇諗過竟然會有魚嘅鮮甜味，粥都軟糯。然後甜品就要左西多士，平時多數要下午茶先有得食，今次嚟晚餐都可以食到真係好開心！入面有好好嘅花生醬，加埋厚厚嘅牛油同糖醬，好滿足！
Post
