餃里 (悅湖商場) (Under Renovation)

呢個係嚮屯門悅湖山莊屋苑商場裡面嘅一間外賣小店，專做手工餃子，朝早一開店已經好多人幫襯。店內餃子都係即日包嘅，有9款口味，仲有湯餃同煎餃、或者套餐可以選擇。本人好喜歡食餃子，見到有咁多口味，就算可以雙拼都好難選擇，於是一次過買左3打生餃子（共5隻口味）番屋企慢慢食。外賣生餃嘅包裝盒做得好靚，餃子可以分開一個個放，唔會有黏爛餃子皮嘅情況。 而且盒背面有煎餃同湯餃嘅烹调方法，真係好貼心，好適合我呢d廚房新手。呢個就係自己煮出黎嘅樣啦，就算係湯餃，餃子皮完全冇溶或者爛，而且粒粒餃子望落非常飽滿。每一盒餃子仲配左辣菜圃同醋。韭菜餃菜肉比例剛剛好，鹹度適中。香茜餃芫茜份量好多，好濃味，喜歡呢種蔬菜嘅朋友可以試試。素餃推薦口味之一，入面有大量木耳、蘿蔔同粉絲，咬落清甜爽口。泡菜餃正宗韓國泡菜味道，但比較辣。芝士粟米餃呢個只可以煎，入面好多粟米，芝士好香濃，推薦。