高橋沾麵製作所 (Closed)

同朋友去開奧海城，突然好想食拉麵，上網睇到原來呢度food court有拉麵同沾麵食，決定一試！呢度個food court係點完嘢食比部機你，等部機響就可以開餐啦！廣島蠔豚骨拉麵烏冬由於我朋友唔係好食得拉麵嘅關係，所以我哋轉左烏冬，估唔到都一樣出色，烏冬好彈牙，最重要係啲廣島蠔超大隻，炸到好香脆！豚肉魚介沾麵值得一讚嘅係入面嘅魚介湯超級濃口，加上魚介汁好易掛上個麵，而且好夠熱！原來food court都有啲咁正嘅拉麵食！完全冇令我失望！