土耳其小城 (萬昌樓) (Closed)

今日又入元朗探家姐兼食個靚飯，悶悶地咪試吓新嘢囉，今次係土耳其菜，呢間餐廳好似開咗半年左右，目測有不少顧客，睇落不錯，決定一試。餐廳環境佈置，看到頗花了不少心思。老闆都幾 nice ， 有主動為我們介紹及協助㨂選食物。最後同家姐決定試吓「浮雲沙律」（$46)，沙律配上特色醬汁，幾清新開胃。「馬蕯拉雞」（$78），很多香料，雞香嫩滑，配上「葱油烤餅」（$24），絶配，推介一定要試。「烤野雞肉卷餅」（$55），雞肉烤得很香脆，加有生菜絲，醤汁，發現店內頗受歡迎，很多客人都有order 。飲品方面，同家姐分別試了「原味奶昔」（$36），可自選咸或甜，今次試正常甜，下次先挑戰咸。同埋「芒果奶昔」（$36），都超好飲，絕對有驚喜。其實還有很多其他特色土耳其食物，睇見都很想試，有機會一定會再來。