Plato (Moved) New Location

當日八點到達目的地啦，成日爆滿，坐無虛席呀，不過咁岩有人埋單走，我地4人等一陣就有位坐了。嗌左2個2人set，分別有餐湯同埋小食:蛋黃醬薯條同凱薩沙拉做小食頭盤，整體質素相當唔錯。薯條用粗薯配以蛋黃醬，平凡小食但又會令人食唔停口。另外，我地亦叫左水牛城雞翼，相當好味呀。酸辣甜既比例恰到好處，汁醬都能夠包晒成隻雞翼之餘又唔會令個皮淋晒，值得一贊。而黑松露意大利飯都帶住好香既野菌味，略嫌食落愈食愈膩。大蝦天使面反而有驚喜，食落濃濃既蝦味入晒落個天使面度而且無腥味，食面已經好似食緊隻蝦咁，所以一食落去好有驚喜。另外仲有主菜牛扒同魚，好滿足既一餐呀，同朋友一齊享受左個好好既夜晚，最後以movenpick雪糕作結，食到好飽，係同三五知己聚聚舊的好地方呀。