尚鮮海鮮料理 (Closed)

今日同朋友去時代廣場看龍珠展，順便去這間朋友推介嘅火鍋店打邊爐，6點去到，人唔多，卡位仲有電視睇，環境唔錯。川貝海底椰鱷魚肉湯底，好足料，侍應叫我們先飲兩碗湯，因為之後會加上湯再烚其它嘢，湯底好甜，唔似一般嘅火鍋湯底咁味精。二人海鮮盛，有大大隻聖子王、花甲王、廣島蠔、海蝦各兩隻，仲有超好味嘅鱔片。五味豚拼盤，豚肉係西班牙黑豚肉，粉腸真係要超讚👍👍好乾淨，唔會太韌有咬口，豬潤新鮮唔鞋，評時唔多咁係街吃內臟嘅朋友都讚。鮮炸脆響鈴有驚喜，特別係蝦滑釀油炸鬼，只需烚3秒，香脆嘅`油炸鬼加埋彈呀蝦滑真係好好味，響鈴應該係自家製，好有口感。👍👍四色丸尚盛，有蝦丸、墨魚丸、黑鬆露豚肉丸、豬肉丸，全部係自家手打，好彈牙，而且夠曬大粒。兩個人吃得好滿足，特別要讚下佢哋嘅服務，好細心，不時會幫客人撈起湯上面d泡，又會講解食材 好nice。