The Grove

Open Now

Now Closed

諗住簡單食個晏，見開左咁耐，大圍都無邊到有牛肉麵食，就入去試一試。地方乾淨，都算大，啲位放得唔會迫坐得都好舒服。我叫左個午餐 阿Roy牛肉麵，黑糖薑母，加左葱肉餅。都仲可以轉飲珍珠奶茶或其他台式飲品。首先講下個阿Roy牛肉麵，個麵質地係我鍾意嗰種既有咬口唔會淋，牛肉麵炆得好淋又大件，個湯辣辣地帶小小甜味好好味唔會太咸。有驚喜呀！個黑糖薑母夠薑又唔會太甜。你葱肉餅就可以啦，無特別驚喜。整體我都滿意，會返去試下其他野。