Video
Read full review
2010-06-13
25 views
行經此店多次, 未嘗一試, 剛巧今天老媽去了旅行, 女友又不在身邊, 小弟單身一人從家裏尊程步行過去品嚐。從網上得知此店甜品不錯, 正餐靚靚仔仔, 舖頭又乾乾淨淨; 故而有點期望, 誰知整頓飯的感覺卻有如恒生恉數般上上落落, 有點幻得幻失的, 似乎是意料之外。全程如下:進場一刻:感覺不錯, 給人齊潔舒服的洋食日本餐廳感覺, 一入去有人講日語歡迎你。點菜時刻:坐下, 侍應給你一杯清水, 看過是日餐牌後, 有點豫疑不決, 因為餐牌上有一款大蝦蜆肉天使麵不知要還是不要的好。大約多年前, 鄙人第一次在海港城的某間西班牙餐廳吃過了十分難吃的天使麵之後, 從此對天使麵十分討厭, 因為質感有如嬰兒糊仔, 令人食不下嚥。但今次小弟決定多給天使麵一次平反機會, 全因為蔡瀾的一句老話: 因為第一次嚐新卻遇上了廚藝差勁的餐廳, 令人以為這道菜難吃極了, 從此敬而遠之, 卻不知道是自已一時霉運, 但因此而放棄了一項美食, 真是蝕足了大本。正餐決定了, 那餐湯呢? 問了侍應除羅宋湯外, 那個是日餐湯是何東西時, 小妹妹竟然O咀不能回答。小弟心想, 乜而家D八十後真係咁利害, 返工就真係只帶個人, 自家賣乜都未知
從網上得知此店甜品不錯, 正餐靚靚仔仔, 舖頭又乾乾淨淨; 故而有點期望, 誰知整頓飯的感覺卻有如恒生恉數般上上落落, 有點幻得幻失的, 似乎是意料之外。
全程如下:
進場一刻:
感覺不錯, 給人齊潔舒服的洋食日本餐廳感覺, 一入去有人講日語歡迎你。
點菜時刻:
坐下, 侍應給你一杯清水, 看過是日餐牌後, 有點豫疑不決, 因為餐牌上有一款大蝦蜆肉天使麵不知要還是不要的好。
大約多年前, 鄙人第一次在海港城的某間西班牙餐廳吃過了十分難吃的天使麵之後, 從此對天使麵十分討厭, 因為質感有如嬰兒糊仔, 令人食不下嚥。
但今次小弟決定多給天使麵一次平反機會, 全因為蔡瀾的一句老話: 因為第一次嚐新卻遇上了廚藝差勁的餐廳, 令人以為這道菜難吃極了, 從此敬而遠之, 卻不知道是自已一時霉運, 但因此而放棄了一項美食, 真是蝕足了大本。
正餐決定了, 那餐湯呢? 問了侍應除羅宋湯外, 那個是日餐湯是何東西時, 小妹妹竟然O咀不能回答。
小弟心想, 乜而家D八十後真係咁利害, 返工就真係只帶個人, 自家賣乜都未知。
好在佢都識得用Call機問下, 原來今日係甘荀火腿湯, 咁就呢個啦。
等待時刻:
欣賞下裝修, 又欣賞下D所謂擺設, 又欣賞下個藤藍內用餐巾細心包好的餐紙和餐具。
先來的是餐包, 觸碰之下是微熱的, 有點窩心的感覺。從遠處看到微波爐, 相信是它的傑作, 值得一讚。
良久, 仍未見餐湯到來…ZZ…Z…
十數分鐘後湯來了, 一分鐘後天使麵也來了 (連保溫膠蓋) ！？ 玩乜！
原以為湯是熱的(以為製作需時, 所以等咁耐), 卻竟然是微暖的, 咁做乜要等咁耐, 搞到個餐包都凍哂。
而天使麵也來得未免早了一點, 就算有保溫蓋, 待得小弟喝罷湯後, 相信個麵都凍得有番咁上下啦！
算啦, 飲湯先…如果唔係佢講, 個湯又橙橙地色的話, 我真係飲唔出呢個係甘荀湯…@_@ 係一D甘筍味都無架
草草了事後…食麵！ 開蓋！又擺得幾靚喎(開心), 不過有少少凍左…(唔開心)
麵, 真係幾好, 硬身, 有蒜茸味, 用油炒過, 不錯, 有點感動, 以後有天使麵食啦, 原來天使麵係咁好食o既, 陰功小弟仲以為係人間垃圾添, 我怪錯左你啦, Sorry~~~日後我會食多幾次作為補償嫁啦~~~
磨菇數片, OK啦
黃椒兩條, 太少了(得兩條牙簽咁大), 駛唔駛咁孤寒, 乜好貴架咩？
蜆肉數粒, 完完全全係無味的, 仲要好似食緊一舊像膠
大蝦兩隻, 有D鞋, 有少少黑椒味, 重凍凍地添, 唉
總的來說, 成碟野最精彩係個麵 + 磨菇 + 黃椒 + 賣相 (Oh, 賣吉！主角變配角, 咁個麵應該改名為: 磨菇黃椒靚靚天使麵)
食完, 小妹妹侍應又來問: 先生要什麼甜品和餐飲？
答曰: 有那款雪糕可以選擇呢？
她的回覆好鬼長, 也好鬼細聲(可能係俾佢自己聽), 所以麻煩佢再重覆一次。
終於聽到, 最後選了芝麻雪糕連窩夫 + 咖啡
咖啡好快就到, 乜唔係甜品先上的嗎？咁我食完甜品之後, 熱啡都變凍啡啦, 乜你呢間野上菜次序咁特別架？你可唔可以一陣幫我用微波爐叮番熱個咖啡呀？
聞下個咖啡, 無乜香味, 飲下, 又無乜啡味, 噢…仲有少少酸…我想話Mc café會好過佢囉。
加奶, 睇下會否好一點。都係唔掂, 而家似奶水多D, 飲半杯經已放棄。
5分鐘後, 甜品終於來了。
賣相十分的漂亮, 窩夫外脆內軟, 帶有蛋香, 完全係兒時常吃到的雞旦仔的味道, 超懷念！(而家小弟超過十年未曾在香港食過雞旦仔, 實在太難食了, 除非返大陸去順德, 咁一定會幫襯曾志偉代言果間)。
芝麻雪糕又點呢？…！…！有少少蘇蘇地味！小弟最怕呢種味！
研究之下發現原來係雪糕底下的Cream出事, 嘩！借過唔該, 請你走開！
我地再黎過吓, 唔好俾D唔開心野影響到。
芝麻雪糕…有芝麻粒但無芝麻味, 請問你係邊個？翻版定係山寨？不過都叫做食得落口。
如果有為窩夫而來的朋友, 小弟敬告, 樓下的Gelare會好好多, 不論個Cream, 雪糕, 窩夫都會勝過風月堂; 再者Gelare選用的楓樹糖漿是十分的香和美味的(搞到好似幫人賣廣告咁)。咁當然Gelare個雪糕窩夫會貴好多, 收咁貴就當然要有番咁上下至得啦。
埋單, 連加一Total $79.20
論店舖, 係幾得, 女仔會鍾意, 但話明食店, 小弟就唔會俾個舖影響到條脷, 野食係得就得, 唔得就唔得, 也不會以價錢來定價性比。
呢餐之後, 如果要小弟科水再來, 那就不必了, 如果有人請, 就會俾多一次機會佢, 若然情況一樣, 那就拜拜了。
今餐叫做OK, 但因為有期望, 所有都幾失望, 整頓飯下來, 心情又上又落, 有彈有讚, 都算頗為特別。
Post